Pareshaan thi Bablu ki wife …….
Non-happening thi jo uski life !
Bablu ko nahi milta tha aaram
Office main jo karta tha…… kaam hi kaam !
Bablu ke boss bhi the bade cool
Promotion ko har baar jate the bhool
Par bhulte nahi the wo deadline …….
Kaam to karwate the roz till nine !!
Bablu bhi banna chahta tha the best
Isliye to wo nahi karta tha rest !!
Din raat karta wo boss ki gulami
Promotion ke ummid main deta tha salami !!
Din guzre …….aur guzar gayefir saalo saal
Bura hota gaya Bablu ka haal
Bablu ko ab kuch bhi yaad na rehta tha
Galti se Biwi ko Behenji kehta tha !
Aakhir ek din Bablu ko samjh aaya
Aur chod di usne promotion ki moh maya !!
Boss se bola, "Tum kyon satate ho ?"
"promotion ke laddu se budhdhu banate ho"
"Promotion do !! Warna chala jaunga"
"Bonus dene par bhi wapis na aunga"
Boss haans ke bola "Nahi koi baat"
"Abhi aur bhi bahut Bablu hai mere paas"
"Yeh duniya bahoot sare Babluon se bhari hai"
"Sabko bas aage badhne ki hi padi hai"
"Tum na karoge to ……. kisi aur se karaunga !!"
"Tumhari tarah kisi aur ko Bablu banaunga"
(WAKE UP Bablu) !!!!!
do smart work but not hard work varna to bablu hi bane rahoge
ReplyDelete